شفا بارزانی سەرەخۆشی لە ئاکیف حەسەن و بنەماڵەکەی دەکات

شفا بارزانی، سەرپەرشتیاری گشتیی ڕەوەندی کوردستانی لە بارەگای بارزانی، ڕۆژی 11ـی تشرینی دووەمی 2026، لە ڕێگەی نووسینگەی دیاسپۆراوە پەیامێکی سەرەخۆشیی بۆ کۆچی دوایی زوبێر، برای بچووکی ئاکیف حەسەن، ئاراستەی خۆی و بنەماڵەکەی کرد.

لە پەیامەکەیدا، سەرپەرشتیاری گشتیی ڕەوەندی کوردستانی وێڕای دەربڕینی خەم و پەژارەی زۆر بۆ کۆچی دوایی خوالێخۆشبوو، سەرەخۆشی و هاوخەمیی خۆی پێشکەش بە بنەماڵە نیشتمانپەروەرەکەیان و کەسوکار و هاوڕێیانی کۆچکردوو کردووە و دووپاتی کردووەتەوە کە لەم خەمەدا هاوبەشی خەمیانن، هەروەها لە خودای گەورە داوای کردووە زوبێری خوالێخۆشبوو بە میهرەبانیی خۆی شاد بکات، جێگەی بەهەشت بێت و سەبووری و ئارامی بە بنەماڵە و کەسوکاری ببەخشێت.

دەقی پەیامەکە:

بەڕێز ئاکیف حەسەن و بنەماڵە بەڕێزەکەتان

بە ناوی خودای گەورە و میهرەبان

بە خەم و پەژارەیەکی زۆرەوە، هەواڵی کۆچی دوایی کاک زوبێری برای بچووکتانمان بیست.

لەم خەمە سەختەدا، سەرەخۆشی و هاوخەمیی خۆم پێشکەش بە بنەماڵە نیشتمانپەروەرەکەتان و هەموو کەسوکار و هاوڕێیانی خوالێخۆشبوو دەکەم.

لە خودای گەورە داواکارین زوبێری خوالێخۆشبوو بە میهرەبانیی خۆی شاد بکات، جێگەی بەهەشت بێت و سەبووری و ئارامی بە بنەماڵەکەتان و هەموو کەسوکارتان ببەخشێت.

ئێمە هاوبەشی خەمتانین.

شفا بارزانی
سەرپەرشتیاری گشتیی ڕەوەندی کوردستانی
لە بارەگای بارزانی
11.11.2026