مەیشێوێنن شێوەی خاکم
بەسووتانی دارستانم
مەرگ، مەکەن بەمیوانی
کۆسارانم
ئەم کێو وشاخانەی کوردستان
لانەی هەزاران باڵندەن
لێیانگەرێن ئازاد بژین
باڵەکانیان مەقرچێنن
مەیانکەن بەخەڵۆزی رەش
ئەوان هاورێی شمشاڵن
بۆیان بانگ کەن قاڵەمەڕە
باهەناسەیێکی قۆڵ هەڵمژێ
تا ناڵەو دەردی دارستان چ
بەبرین چ بەسوتان
بەناڵەی شمشاڵ دەرببرێ
بڵێ توخوا ئیتر بەسە
بڕینی کولکەدارەکان
بەبرێنی هەریەک لەوان
دەشێوێنێدرێت هەرچی خۆشیە
بەیەکجاری رایدەماڵێ دڵخۆشی
ناڵەو لەرەی شمشاڵ بێ دەنگ دەبێ
باڵندەکان بێ ماڵ وحاڵ وژیان دەبن
ئیتر بەسە کوشتنی ئاسکەکێویو
سووتاندنی لانەی پەرەندەکان
بەکام یاسا دەیان کوژن
بێ لانەو بێ شوێنیان دەکەن
یان ئەوانیش بەتاوانی
ژین لەخاکێ کوردستان
بێ سێ ودوو محکوم دەکەن
د.خاتونزین بەرزەنجی